Aurreko astean, urtarrilaren 26an hain justu, TaPuntu komunikazio agentziak Donostiako Koldo Mitxelena Kulturunean antolatutako Nortasuna Sarean Jardunaldien 2. edizioan hartu nuen parte hizlari gisa.
Hemen uzten dizuet jardunaldia orduko egindako promozio bideoa:
Aurtengo gaia Sarea Saltoki izan da, eta bertan aritu ginen Biantik Kooperatibako Jon Turrillas, Eguzkilore Joyaseko Leire Egiarte, Loratuko Arrate Imaz eta ni. Jon Turrillas eta biok, saltoki bat sareratzeko gakoez aritu ginen. Nik eman beharreko pausuez eta aurretiaz egin beharreko lanaz aritu nintzen, batez ere ecommerce eta sare sozialei begira. Jon Turrillas, aldiz, eman beharreko pausu horien alde legalaz aritu zen, abokatua baita bera.
Arrate Imaz eta Leire Egiartek, ordea, beraein esperientzia pertsonala kontatu zuten, Jonek eta biok azaldutako teoriatik praktikara salto eginez. Gaur egun arte beraien saltokia sareratzeko emandako pausuez aritu ziren, hori egiterako orduan izandako arazo eta oztopoez, ikus-entzuleei -sarean saltoki bat izan nahi zuen publikoak- beraien prozesuan gidatzeko aholkuak, hain zuzen.
Bi ordutan zehar aritu ginen hizketan eta publikoaren zalantzak argitzen eta egia esan, uste dut beharrezkoa dela mota honetako jardunaldiak antolatzea egungo gizarte gero eta digitalizatu honetan denok bat egiteko, euskal komunitate digital bateratu bat hain zuzen ere.
Aste honetan zehar zabaldu du TaPuntuk jardnaldiko laburpen bideoa, hemen uzten dizuet hori ere:
Social Media Euskaraz 